ლევან ვასაძე, რომელმაც ცოტა ხნის წინ, პოლიტიკური ორგანიზაცია “ერი” დააფუძნა და აქტიურად მოუწოდებდა ადამიანებს, 5 ივლისს აქციაზე გასულიყვნენ, დღეს ვიდეოს ავრცელებს მოსკოვიდან, სადაც ის, როგორც თავად ამბობს, სამკურნალოდ იმყოფება და ამბობს:
„უდიდესი წუხილით შევიტყვე ლექსო ლაშქარავას გარდაცვალების ამბავი… მეც ვილოცებ მისი სულისთვის…
ზუსტად უნდა გაირკვეს, რა მოუვიდა ლექსო ლაშქარავას, რატომ დაიღუპა მას შემდეგ, რაც საავადმყოფოდან გამოიწერა, სიკვდილისმყოფის არაფერი ეტყობოდა… რატომ მოხდა ეს მაინცდამაინც მაშინ, როცა ეს ხელოვნურად გაღვივებული კონფლიქტი ჩაცხრომისკენ წავიდა? ეს ზუსტად უნდა დაადგინოს სახელმწიფომ.
დიდი ალბათობით, ლექსო ცოცხალი იქნებოდა, რომ არა ეს პროვოკატორები, ვინც ეცადა საზოგადოებისთვის პრაიდის დაძალებას და პირველ რიგში მახსენდება აშშ-ის ელჩი, კელი დეგნანი, რომელმაც მიუხედავად ჩვენი 100 ათასობით მოქალაქის მოწოდებისა, რომ გაჩუმებულიყო და თავისი ადგილი სცოდნოდა, მიუხედავად ჩვენი ეკლესიის მიმართვისა, არ გაჩუმდა და ქაჯივით, ბოლომდე აწვებოდა რქებით ჩვენ მთავრობას, რომ ჩატარებულიყო ეს ღონისძიება.
ის, ვინც გალახა ეს უბედური კაცი, რომელიც გარდაიცვალა, პასუხისმგებელია, მაგრამ რა ზომითაა პასუხისმგებელი, რა როლი ითამაშა იმ დაზიანებებმა, რაც ლექსოს მიადგა, ესეც გამოძიების დასადგენია…
ვისაც მართლა სჯერა რომ ამ ხალხს მართლა ედარდება ერთი ტელეოპერატორის სიცოცხლე, ან ბრმაა, ან თავს იბრმავებს. თუ გვინდა გვქონდეს სახელმწიფო, ლიბერალიზმი საქართველოში უნდა დამთავრდეს, თავისი უცხოელი, უზრდელი ელჩებიანად.”
კომენტარები