(ვიდეო) – ეკლესიის წინააღმდეგ გამოცხადებულ ბრძოლაში, ჩვენ ვდგავართ დედა ეკლესიის და პატრიარქის გვერდით! – ირმა ინაშვილი

პარტიის ლიდერები მიიჩნევენ, რომ მართლმადიდებელი ეკლესიის მიმართ დისკრიმინაცია ხორციელდება და საზოგადოება ამას წინ უნდა აღუდგეს.

ოპოზიციური პარტია „საქართველოს პატრიოტთა ალიანსის“ ლიდერები და მხარდამჭერები 4 ივლისს თბილისში, რუსთაველის გამზირზე აქციაზე შეიკრიბნენ.

პარტიის ლიდერის, ირმა ინაშვილის თქმით, პარტიის ლიდერები მიიჩნევენ, რომ მართლმადიდებელი ეკლესიის მიმართ დისკრიმინაცია ხორციელდება და საზოგადოებამ ეს უნდა გააპროტესტოს.

საპროტესტო აქციის ერთ-ერთი ადრესატი იყო სახალხო დამცველი ნინო ლომჯარია, რადგან, შეკრებილების აზრით, ომბუდსმენის განცხადებები ეკლესიის მისამართით დისკრიმინაციულ ხასიათს ატარებს.

აქციის მონაწილეებმა რუსთაველის გამზირზე – რესპუბლიკის მოედნიდან ოპერის შენობამდე გზის სავალი ნაწილი გადაკეტეს. აქცია მშვიდობიან ხასიათს ატარებდა. ადგილზე საპატრულო პოლიციის რამდენიმე ეკიპაჟი იყო მობილიზებული.

შეკრებილებს ხელში ეკავათ პლაკატები წარწერით „ჩვენ გვიყვარს ჩვენი პატრიარქი“.

დავითვალეთ და 8 ათას კაცზე მეტია გამოსული, წინაზე თქვეს, რომ 2 ათასი კაცი იყო გამოსულიო და ახლა დავითვალეთ – თქვეს გამოსვლისას ლიდერებმა.

ხვალ, 5 ივლისს ლგბტ უფლებების დაცვის მიზნით დაგეგმილი „ღირსების მარშის“ წინააღმდეგ საქართველოს საპატრიარქო 17:00 საათზე ქაშუეთის ტაძართან მარშის მოწინააღმდეგეების შეკრებას აპირებს.

საპატრიარქო მოუწოდებს მორწმუნეებს მშვიდობიან საპროტესტო აქციაზე შეიკრიბონ და არ აჰყვნენ „ძალადობრივი კონფრონტაციისათვის მიზანმიმართულ პროვოკაციას“.

თავის ბოლო განცხადებაში საპატრიარქო აღნიშნავს, რომ მარშის მიზანია „გაუკუღმართებული ცხოვრების წესის პროპაგანდა, რომელიც აზიანებს მომავალი თაობის ცნობიერებას“.

ქართულმა მართლმადიდებელმა ეკლესიამ ასევე უწოდა მიუღებელი „სოლიდარობის მარშის“ მხარდაჭერა დასავლეთის საელჩოების მიერ და უწოდა „მკვეთრი ჩარევა ჩვენს საზოგადოებრივ და სულიერ ცხოვრებაში“ და „მათი უფლებამოსილების გადამეტება“.