“მთავარი არხის” დენერალურმა დირექტორმა ნიკა გვარამიამ გადაცემაში “მთავარი აქცენტები” რაიონებში “ქართული ოცნების” მერობის კანდიდატების ბიოგრაფიის გასაიდუმლოებული დეტალები გაასაჯაროვა.
მისი თქმით, ხალხს მერად სთავაზობენ აირჩიონ მზვერავები, პოლიციელები და აგენტები და ამაზეა მხოლოდ საუბარი, თორემ “არაფერი პირადული”.
ნიკა გვარამიას მტკიცებით, მათგან ერთეულები ჯერ კიდევ შევარდნაძის მმართველობის დროს არიან გადაბირებულნი, სუს-ისა თუ უშიშროების მიერ, დიდი ნაწილი კი – “ენმ”-ის მმართველობის დროს, ასევე სუს-ისა, თუ უშიშროების მიერ და მათი დავალებები მეტწილას იყო ინფორმაციის მიწოდება, ფარული გადაღება და ა. შ. ერთ-ერთ ჩანაწერში ნახსენებია სკოლაც, თუმცა, რა იგულისხმება ამ სიტყვის უკან, გვარამია ამას ვერ განმარტავს. მისი თქმით, გადაბირებული ჩინოვნიკები წინა ხელისუფლებიდან “ოცნების” ხელისუფლებამ წარმატებით გადაიბარა. რა არის ახლა მათი დავალებები – ამაზე მას არ უსაუბრია.
კომენტარები