ამ წუთებში მწერალი, აქციების ერთ-ერთი ორგანიზატორი, ალექსანდრე პაიკიძე დააკავეს. იგი ვიდეოს დასაწყისში ზუსტად იმაზე საუბრობდა, რომ ვერ და არ დააჯარიმებენ 3 000 ადამიანს, მაგრამ თავისუფლად დააჯარიმებენ 1 ადამიანს!
სწორედ ასეც მოხდა ვიდეოს ბოლოს!
ოღონდ, ალექსანდრე პაიკიძე სულაც დააკავეს! ის ითხოვდა პასუხს, კანონის რა მუხლის შესაბამისად ხდებოდა მისი დაჯარიმება, შესაბამისად, რაკი მისი დაჯარიმება ვერ მოხდა, იგი უბრალოდ დააკავეს და გადაიყვანეს საპატრულო პოლიციის შენობაში, როგორც მას ვიდეოში უთხრეს.
“აბა, ომი იყოს, ვინ იქნებოდა სახლში და ვინ იქნებოდა ქუჩაში ვნახავდი” – ამბობს ალექსანდრე პაიკიძე ვიდეოს დასაწყისში.
შეგახსენებთ, ალექსანდრე 4 შვილის მამაა და იგი შეზუდვების გამო, უკვე ერთი წელია უმუშევარია.
ჩასწორება – ალექსანდრე პაიკიძე ვიდეოს განთავსებიდან რამდენიმე წუთში გაათავისუფლეს, უთხრეს, რომ მისი იდენტიფიცირება მოხდა და ამიტომ, მხოლოდ აჯარიმებენ. არადა, ვიდეოში ნახავთ, როგორ უხსნიან, რომ უნდა გათიშოს ტელეფონი, რადგან უნდა გადაიყვანონ განყოფილებაში და იქვე ეუბნებიან, რა მისამართზე უპირებენ გადაყვანას!
აქვე შეგახსენებთ იმასაც, რომ არც ერთი აქცია არ შეუჩერებით და არავინ წაუყვანით ქუჩიდან, მაშინ როცა ხალხი იყო გამოსული, თუმცა, დაუმორჩილებლობის აქციის პარალელურად, ქუჩებში სათითაოდ მოსიარულე ადამიანებს აჯარიმებდნენ.
“ალიას” მკითხველმა კარგად იცის, რომ არ და ვერ დააჯარიმეს ადვოკატი, იურისტი გურამ კონტუაძე, რომელმაც ასევე მოითხოვა ეთქვათ, კანონის რომელი მუხლის მიხედვით აჯარიმებენ და როგორც ის ჰყვება, რა წამსაც გაიგეს, რომ იურისტია – უბრალოდ გაუშვეს.
შეგახსენებთ იმასაც, რომ იურიტების უმრავლესობა დაწესებულ შეზღუდვებს არაკონსტიტუციურად მიიჩნევს და სარჩელი საკონსტიტუციო სასამართლოში უკვე შეტანილია!
კომენტარები