“ვიბრძოლებთ ბოლო წვეთამდე, დავისვენებთ მაშინ, როცა გავიმარჯვებთ, ამ სამი სამიტიდან ველოდებით ახალ სანქციებს და ახალ დახმარებებს” – ზელენსკი

უკრაინის პრეზიდენტი ვოლოდიმირ ზელენსკი გავრცელებულ მორიგ ვიდეომიმართვაში საუბრობს:

“თავისუფალი ქვეყნის თავისუფალო მოქალაქეებო,

დღეს იყო ერთ-ერთი იმ დღეთაგანი, რომელიც უფლებას გვაძლევს ვთქვათ, რომ მთელი მსოფლიო ჩვენს გვერდითაა.

მარიუპოლში 100 ათასამდე ადამიანი სრულ ბლოკადაშია, მედიკამენტების, წყლის, საკვების გარეშე, სროლებისა და დაბომბვის ქვეშ. ყოველდღე ვცდილობთ უსაფრთხო ჰუმანიტარული დერეფნის გახსნას, თუმცა, ოკუპანტი ამის საშუალებას არ გვაძლევს. დღეს ოკუპანტები ჰუმანიტარულ დერეფნებს დაესხნენ თავს, ტყვედ აიყვანეს საგანგებო სიტუაციის მართვის სამსახურის თანამშრომლები. არსებული ვითარების გამო, ბერძნულმა მხარემ ჰუმანიტარულ დერეფნებში მონაწილეობა გადაწყვიტა.

ჩვენმა სამხედროებმა ისევ გაგვახარეს – ისევ ჩერნობაევკა და ისევ ოკუპანტების განადგურება. ისევ თვითმფრინავებისა და ვერტმფრენების ჩამოგდება. ასევე, მარიუპოლში ბომბდამშენის ჩამოგდება.

მინდა მივმართო ყველა პილოტს, რომელიც უკრაინელი ხალხის დაბომბვის ბრძანებებს ასრულებს, თქვენ დაისჯებით, დღეს დაისჯებით თუ ხვალ, ეს აუცილებლად მოხდება.

მიმდინარე კვირას სამი მნიშვნელოვანი სამიტია, დიდი შვიდეულის, ნატოსა და ევროკავშირის. ველოდებით ახალი სანქციებს რუსეთისთვის და ახალ დახმარებას უკრაინისთვის. გამოვიყენებთ ყველა შესაძლებლობას და ბოლომდე ვიბრძოლებთ, ბოლო წვეთამდე, სრული ენერგიით, რათა ამ სამიტებზე შედეგებს მივაღწიოთ. დავისვენებთ მხოლოდ მაშინ, როცა გავიმარჯვებთ, გამარჯვება კი აუცილებლად ჩვენს მხარეს იქნება.

დიდება ყველა გმირს, დიდება უკრაინას!”