“ვიბრძოლებ ფიზიკურად… ქვეყნის გადატრიალებაო, დაიწყებს ოცნება, გადატრიალებულია უკვე  ქვეყანა, გადმოსატრიალებელია” – ხაბეიშვილი

ქირქილებენ რომ ხაბეიშვილი გოიმია, სოფლელია, ბრენდულები არ აცვია და ლილოში ყიდულობს ტანსაცმელს …. მე წარმოვადგენ მშრომელ, წესიერ, პატიოსან ხალხს და არა ვიწრო პრივილეგირებულს, “ელიტას”.

დიახ, მე არ გავზრდილვარ ელიტარულ ოჯახში, გავიზარდე რიგით ქართულ ოჯახში, მამაჩემი ინჟინერი კაცი იყო, მამაჩემს 90-იანი წლების შემდეგ, ოჯახი რომ გამოეკვება, არ უთაკლია არასდროს და ვამაყობ ჩემი გარდაცვლილი მამით, არ უთაკილია, რომ მისი ოჯახის გამოსაკვებად დაცვაში ემუშავა და ღამეები ეთენებინა. დედაჩემი 30 წელი პედაგოგი იყო, ათასობით ბავშვი ჰყავს გაზრდილი, მარინა კოტრიკაძეს, დღეს, დედაჩემი, პენსიონერი ქალი, გაზის ანათვალზე დადის აფრიკაში, მოსკოვის გამზირზე, მისი არაჯანმრთელი… უამრავ წამალს სვამს. პენსიონერი დედაჩემი დღეს დადის კიბე-კიბე, ოჯახ-ოჯახ. მე და ჩემ ემიგრატ ძმას, არასდროს არ გვიკადრებია დედისთვის, მიუხედავად იმისა, რომ გვაქვს ამის საშუალება, აღგვზარდე, ახლა დაისვენე, არ გვიკადრებია და რატომ – არასდროს ჩემ ოჯახში სათაკილო არ ყოფილა შრომა, წესიერება და პატიოსნად მუშაობა. ჩემი ძმა, საქართველოს თავდაცვის ძალების კაპიტანია და პრეზიდენტ სააკაშვილს იცავდა მისი მკერდით, 13 წელი ემსახურა საქართველოს, 2013 წლიდან ემიგრაციაშია, დღეს ტრაილერის მძღოლია – ვამაყობ დედაჩემითაც, მამაჩემითაც, ჩემი ძმითაც და იმ ხალხს მინდა ვუთხრა, დიახ, მე ასეთ პრინციპულ, წესიერ, მშრომელ ხალხს წარმოვადგენ და დიახ, მე ვიქნები მთავარი მებრძოლი, ელიტარული კასტა რომ არ იყოს, ამისთვის ვიბრძოლებ. მე არ წარმოვადგენ ელიტარულ და პრივილეგირებულ ოჯახს, მე წარმოვადგენ ქართულ, ტრადიციულ, ქრისტიან- მართმადიდებლურ ოჯახს და ასეთი ადამიანების წარმომადგენელი ვიქნები, ასეთად დავრჩები და ასეთი ადამიანების ინტერესებისთვის ვიბრძოლებ.