„დროას“ ლიდერის, ელენე ხოშტარიას განცხადებით, იმის მიუხედავად, რომ ის და ექსპრეზიდენტი მიხეილ სააკაშვილი სხვადასხვა პლატფორმაზე რჩებიან, ის ვერ მოისვენებს, სანამ სააკაშვილი იქნება ახლანდელ მდგომარეობაში.
“მე და მიხეილ სააკაშვილი ვრჩებით განსხავევბულ პლატფორმებზე, ჩვენ ამაზე ვისაუბრეთ, მიუხედავად ამისა, მე ვერ მოვისვენებ, სანამ ეს ადამიანი იქნება ამ მდგომარეობაში. გეგმა არის ბრძოლა. მისი უფლებებისთვის ბრძოლა, მისი თავისუფლება. მისი უფლებები არის გათელილი, კიდევ ერთხელ ვიმეორებ, სამართლებრივი კითხვები არსებობს — დაისვას სამართლებრივი კითხვები და არა შურისძიების და ამ უმსგავსობის, რაც მის მიმართ იყო. ჩემი ამოცანა არის, რომ შეწყდეს მისი ამ ტყვეობაში და მდგომარეობაში ყოფნა, იმ პრინციპებით, როგორც აქამდე ვიბრძოდით, მშვიდობიანი, მაგრამ აბსოლუტურად შეუპოვარი ბრძოლა, ამ სისტემის რყევა, გათანგვა და ადამიანების დარწმუნება, ესეც ძალიან მნიშვნელოვანია”, — განაცხადა მან.
კომენტარები