“ვერ დალაგდა ამერიკასთან… ამის უნარი და კომპეტენცია ნამდვილად არ გააჩნიათ” – ზურაბიშვილი

პრეზიდენტმა სალომე ზურაბიშვილმა საგანგებო ბრიფინგზე, თქვა:

ის დალაგება, რომელსაც ელოდნენ, ვერ დალაგდა, იმიტომ, რომ ამის უნარი და კომპეტენცია ნამდვილად არ გააჩნიათ და რომ ვერ დალაგდა ამერიკასთან ეს იმას ნიშნავს, რომ ჩვენ ვერცერთ პარტნიორთან ვერ გვაქვს დალაგებული საქმე. უფრო და უფრო იზოლაციაში ვართ, მარტო და დაუცველი ვრჩებით, იძულებულები არიან, მიმართონ ჩინეთს, ხან ცენტრალური ბანკი და ხან ანაკლიაზე რა ხდება, ისიც არ ვიცით, მაგრამ ის ვიცით და ჩანს, რომ ქვეყანა არის სრულიად დაუცველი, იმიტომ, რომ ქვეყანას, რომელსაც თავისი ბუნებრივი პარტნიორები და მეგობრები, რომლებიც 30 წელი მას ეხმარებოდნენ, ყველა კუთხით და ყველა მიმართულებიტ, როცა ისინი აღარ არიან აღარც მეგობრები და აღარც პარტნიორები, იმიტომ, რომ ზურგი შეაქცია “ქართულმა ოცნებამ”, ეს ტოვებს ქვეყანას და ამ ქვეყნის მოქალაქეებს ძალიან მარტო და ძალიან დაუცველად.