სტრატეგია აღმაშენებლის ლიდერის, გიორგი ვაშაძის თქმით, ამნისტიის კანონის საკითხზე მისაღებ კანონპროექტთან დაკავშირებით პასუხისმგებლობას იღებენ ის პოლიტიკური ძალები, ვინც შარლ მიშელის დოკუმენტს ხელი მოაწერეს. ვაშაძე გმობს პასუხისმგებლობის ენმ-ის ლიდერზე, ნიკა მელიაზე გადატანას.
“კატეგორიულად ვემიჯნები და ვგმობ ყველანაირ მცდელობას ნიკა მელიაზე გადაიტანონ პასუხისმგებლობა ამნისტიის კანონთან დაკავშირებით. ამნისტიის კანონის მიღებაზე პასუხს ვაგებთ ის პოლიტიკური ძალები ვინც ხელი მოვაწერეთ შარლ მიშელის დოკუმენტს. მე ვაპირებ, შევასრულო ჩემი ვალდებულება და ნიკა მელია გათავისუფლდეს ამნისტიის კანონით. გარდა ამისა, ამნისტიის კანონის მიღებამდე ვაკეთებთ ყველაფერს იმისთვის, რომ შევძლოთ მისი უფრო ადრე გათავისუფლება, ვიდრე ამნისტიის კანონი იქნება მიღებული, მაგრამ მოგეხსენებათ მხოლოდ ჩვენზე არ არის დამოკიდებული და ქართული ოცნებაზეცაა დამოკიდებული ეს ნაბიჯი”. – ამბობს ვაშაძე.
კომენტარები