ვაზისუბანში მომხდარი სისხლიანი ანგარიშსწორებაზე და ორ დაჭრილზე ტვ პირველთან თვითმხილველი საუბრობს დეტალებზე.
არსებული ინფორმაციით, ერთი ახალგაზრდა გულის არეშია დაჭრილი, მეორეს მრავლობითი ჭრილობები კისრის, სახის და გულმკერდის არეში დანით მიაყენეს.
თვითმხილველები ჰყვებიან მედიასთან, რომ ერთ-ერთმა დაჭრილმა დახმარება შემთხვევის ადგილთან ახლოს, აფთიაქში ითხოვა – მას პირველადი დახმარება სწორედ ფარმაცევტებმა გაუწიეს.
თვითმხილველთა თქმით, 2 პირის დაჭრის შემდეგ, თავდამსახმელები იქვე მდგარ ავტომობილში ჩასხდნენ და გაქცევა მოახერხეს.
ადგილობრივების მტკიცევბით, მიუხედავად იმისა, რომ დაჭრა პოლიციის შენიბის სიახლოვეს მოხდა, სამართალდამცავები ადგილზე მინიმუმ 15 წუთის დაგვიანებით გამოჩნდნენ.
ადგილობრივები პოლიციას ამ დრომდე არ ჰყავს დაკითხული, არადა მათი თქმით, დაინახეს, რა მარკის ავტომობილში ჩასხდნენ სავარაუდო დამნაშავეები.
ჩხუბი იყო, გვეძინა, როცა ყვირილის ხმა გავიგეთ. დავინახე, ერთი ბიჭი, რომელიც დანით იყო და ძირს დაგდებულს ურტყამდა. დაჭრილი დახმარებას ითხოვდა. იქვე იდგა მუქი ფერის მანქანა და ვიფიქრე, რომ თავდამსხმელი მარტო არ იყო. ამ ხმაურზე აფთიაქიდან ქალი გამოვარდა და დაჭრილი შენობაში შეიყვანა. პრაქტიკულად მან გადაარჩინა სიკვდილს.
ამ დროს დავინახე, რომ თავდამსხმელს ხელში იარაღიც ეჭირა. ძალიან ახალგაზრდები იყვნენ თადამსხმელიც და დაჭრილიც. პოლიციაში მე დავრეკე. ვიცი, რომ მათი შენობა აქედან ძალიან ახლოსაა, არადა მოსვლას 15 წუთი მოუნდნენ. ძალიან დააგვიანეს, ამ დროს უკვე ყველა გაქცეული იყო.
კომენტარები