„ვანო მერაბიშვილს და ძველი დროის გადმონაშთ დინოზავრებს ვურჩევ, გაჩუმდნენ“ – ალეკო ელისაშვილი

„მოქალაქეების“ ლიდერმა, ალეკო ელისაშვილმა ვანო მერაბიშვილის ინტერვიუზე.

ელისაშვილის თქმით, აქციაზე ხალხი არც მერაბიშვილის და არც სააკაშვილის გამო არ მისულა.

„აბსოლუტურად სხვა რაღაცის გამო იყო ხალხი გამოსული, არავის მიერ არ იყო გამოყვანილი, მით უმეტეს, ვანო მერაბიშვილის გამო. არც სააკაშვილის გათავისუფლების მოთხოვნით არ გამოსულან. სააკაშვილის გათავისუფლების მოთხოვნით მისი პარტიის ლიდერი დადიოდა ბოლო ერთი თვის განმავლობაში, სამ კაცს ვერ კრეფდნენ

ვანო მერაბიშვილს და ძველი დროის გადმონაშთ დინოზავრებს ვურჩევ, გაჩუმდნენ და ნუ ცდილობენ, მიეტმასნონ იმ მძვინვარებას, რაც ამ დღეებში ქალაქის ქუჩებში ხდებოდა“, – განაცხადა ალეკო ელისაშვილმა.

შინაგან საქმეთა ყოფილმა მინისტრმა, ვანო მერაბიშვილმა ჟურნალისტ ევგენი კისელიოვის იუთუბარხზე მარტს 8 მარტის გადაცემაში პარტია „ნაციონალური მოძრაობის“ გეგმებსა და საქართველოში განვითარებულ მოვლენებზე ისაუბრა:

„თქვენ დაინახეთ, რომ გუშინ პარლამენტთან ხალხი უბრალოდ იდგა და მათ წინააღმდეგ გამოიყენეს ცრემლსადენი გაზი, წყლის ჭავლი. ზუსტად იგივე მოხდება საავადმყოფოსთან, რადგან როგორც კი წავიყვანთ იქით ხალხს, ხელისუფლება იქით გადაისვრის ძალებს. სად იქნება ეპიცენტრი, ახლა ეს ძალიან მნიშვნელოვანი არ არის, რადგან მიხეილ სააკაშვილის გათავისუფლება არის ჩვენი პირველადი ამოცანა. ამ დრომდე ამას დიპლომატიური მეთოდებით ვცდილობდით. ამჟამად ამერიკაში ჩვენ ძალიან სერიოზული მიღწევები გვაქვს ამ მიმართულებით. არ არის მნიშვნელოვანი, სად გაირღვევა პოლიციის „კორდონი“, პარლამენტთან თუ საავადმყოფოსთან. კორდონის ნებისმიერი „გარღვევა“ არის სააკაშვილის და მთელი საქართველოს გათავისუფლება“