“ვაგზლის 30 ლარიანი ქოშით თუ დადგება ტრანსი ცირკთან – ჩაქოლავენ, მაგრამ ბრილიანტი რომ ეკეთოს და დუბაიდან დებდეს სელფს…” – ნინო ჟვანია

ჟურნალისტი, ნინო ჟვანია:

ლგბტ თემეტიკის ფილმებს კომუნისტებივით რომ გვიკრძალავენ და სექსის სცენებს ამოჭრას რომ უპირებენ, მაგ თემაზე უკვე მერამდენე პოსტი შემხვდა სადაც სურამელაშვილის ფენომენს განიხილავენ – ის რაღატომ უყვართ და მასზე რატომ არ აქვს არავის აგრესიაო. ეგ გართობს, გამხიარულებს და მასის გემოვნებაზე მორგებული რეპერტუარი აქვს, ღლიცინი და კლოუნები კი ოდითგან უყვარს ხალხს. ამის მიზეზებზე ფსიქოლოგებმა ისაუბრონ გადაცემებში, არ გვაწყენდა ამაზე დაფიქრებაც.

აი, კესარიას რომ არ დასდევენ ტაბურეტკით ეგ ფენომენი უფრო საინტერესოა ჩემთვის და მაგის ჩემებური ახსნაც მაქვს – გართობის გარდა ლამაზები და წარმატებულებიც უყვარს ხალხს. მთლად პატივისცემას თუ ვერა, მოკრძალებულ დამოკიდებულებას კი იმსახურებ თუ მდიდარი და ცნობადი ხარ. მონური ფსიქოლოგიის თემაა ესეც, ბატონისადმი ტრფობის და მოწიწების ვერმოშლის სინდრომი – ჩემი აზრით. არც ცოცხალს არც მკვდარს აღარ ერჩიან თუ ტიპმა რაღაც ჩინს მიაღწია, ან თუ დიდ კაცებთანაა დაახლოებული და პარტიის ნომენკლატურა ხელს ართმევს. ეგრევე თვალებში შესციცინებენ მასეთებს, მნიშვნელობა აღარ აქვს ოქი***სნაირი საშუალოსტატისტიკური კლერკი ხარ მერე თუ ჭაბ***სნაირი გენიოსი. როგორც კი მასა ხედავს რომ რაღაცისთვის მიგიღწევია, ან მინიმუმ გცნობენ, ტელევიზორში გაჩვენებენ, ეგრევე მოწიწება უჩნდებათ და სხვა ყველაფერზე თვალს ხუჭავენ.

ვაგზლის 30 ლარიანი ქოშით თუ დადგება ტრანსი ცირკთან იმას ეგრევე ჩაქოლავენ, მაგრამ იგივეს შილაკიან თითებზე ბრილიანტი რომ ეკეთოს და დუბაიდან დებდეს სელფს – მოწიწებით ულაიქებენ. ვაგზლის ბოზი ბოზია და ელიტარული ბოზი გადაცემის წამყვანადაც შეიძლება დასვან – აი, ეგა ვართ.