“უცნაური გახდა მსოფლიო: ლავროვი მოითხოვს, საქართველომ ამერიკული კანონი მიიღოს” – გამზარდია

ჟურნალისტი, არჩილ გამზარდია:

“უცნაური გახდა მსოფლიო:

– ქართული ოცნება ამბობს, რომ ამერიკულ კანონს იღებდა.

– ლავროვი დაჟინებით მოითხოვს, საქართველომ ამერიკული კანონი მიიღოს.

– საქართველოს და რუსეთის ხელისუფლებების აზრით, საქართველოს მოქალაქეები – ოპოზიცია, ენჯეო სექტორი და ა.შ. ამერიკული კანონის წინააღმდეგ მიდიან.

– რუსეთის ხელისუფლება ამბობს, რომ (ამერიკული) კანონის მიღების მოწინააღმდეგეები ამერიკის მიერ დაფინანსებული მოქალაქეები არიან.

– რუსეთის ხელისუფლება საქართველოს ხელისუფლებას სთავაზობს ამერიკის მიერ დაფინანსებული ამერიკული კანონის მოწინააღმდეგე მოქალაქეების განადგურებაში რუსულ სამხედრო ძალას.

– საქართველოს ხელისუფლება იძახის, რომ ეს საქართველოს ხელისუფლების მოწინააღმდეგეები არიან რუსული ფულით დაფინანსებულები, რომლებიც ამერიკულ კანონს ეწინააღმდეგებიან.

– ე.ი. საქართველოს ხელისუფლება გულისხმობს, რომ რუსების მიერ დაფინანსებული მოქალაქეები ეწინააღმდეგებიან საქართველოს ევროპული ხელისუფლების ამერიკულ კანონს, რომლის მიღებასაც რუსეთის ხელისუფლება ითხოვს, ხოლო არ მიღების გამო, ოცნების თქმით, რუსების დაფინანსებული მოქალაქეების წინააღმდეგ თავისივე “დამფინანსებელი” რუსები განადგურებაში საქართველოს ხელისუფლებას სთავაზობენ დახმარებას.

ღმერთო, ეს ლოგიკა გამაგებინე ან მეუფე ნიკოლოზი დამიძახეთ, იმან იცის ამდენი კვანძის გახსნა.”