,,უსაყვარლესი ჩორტიკა მოკლეს… ეს მანიაკი დამიზნებით კლავს ძაღლებს“

ფეისბუქმომხმარებელი გიორგი ჩუბიკა წერს:

,,გუშინ, 21 სექტემბერს, ჭავჭავაძის გამზირზე, ჩემს სახლთან უსაყვარლესი პატარა შავი ძაღლი – ჩორტიკა მოკლეს.
ეს არაჩვეულებრივი, პატარა ქუჩის ძაღლი, დაღლილი და მოუვლელი, ცოტა შეუხედავი, მაგრამ ჩემთვის ყველაზე ლამაზი,
რამდენიმე
თვის წინ მოვიდა ჩვენს ეზოში.
თავიდან არ მეკარებოდა, ეშინოდა კიდეც, მაგრამ, მალევე, დავმეგობრდით. მზრუნველობას უსაზღვრო მადლიერებით
უპასუხა, ისეთივე ძვირფასი გახდა ჩემთვის, როგორც ჩემი საკუთარი იორკი. ჭავჭავაძის გამზირზე ჩემი მანქანის მოახლოებას ეზოშივე გრძნობდა და მეგებებოდა. გუშინ უკანასკნელად ვნახე ჩემი მხიარული ძაღლი.
საღამოს 9 საათზე ის პნევმატური იარაღის გასროლით მოკლეს, გადარჩენა ვერ შევძელი, კლინიკაში მიყვანამდე გარდაიცვალა.
გუშინ “ შინდლერის სია” გამახსენდა, ის ნაცისტი დამიზნებით კლავდა ადამიანებს,
ეს მანიაკი დამიზნებით კლავს ძაღლებს. სიტყვები არ მაქვს…….
გამოძიება დაწყებულია. აუცილებლად ვიპოვით დამნაშავეს და ჩემი ყველაზე შინაური ქუჩის ძაღლის- ჩორტიკას სახელით,სხვა ძაღლები მაინც გადაურჩებიან მანიაკის ძალადობას.
შეხვედრამდე ჩემო ყველაზე მაგარო ბიჭო …..”