ჟურნალისტი, დეა მამისეიშვილი, სასამართლო პროცესიდან ვიდეოს ავრცელებს და წერს:
სხდომათა დარბაზი, სადაც მოსამართლემ მირანდას და ანას საქმეზე გადაწყვეტილება უნდა გამოაცხადოს, გაძეძგეს პოლიციით! მანდატურები აძევებენ დანსწრეებს და ურტყამენ ყველას! მირანდას და ანას დაკავება უნდათ. შინაგან საქმეთა სამინისტრო, თქვენი ღირსება და სამართალი მოვ#%*#+
ცნობისთვის, თბილისის საქალაქო სასამართლომ ოპოზიციური პარტიების – “ახალის” და “გირჩი-მეტი თავისუფლების” პრესსამსახურებს, მირანდა ბაღათურიასა და ანა ყურაშვილს 4 000-4 000-ლარიანი ჯარიმა დააკისრა.
სასამართლომ შინაგან საქმეთა სამინისტროს შუამდგომლობა არ დააკმაყოფილა. შსს “ახალის” და “გირჩი-მეტი თავისუფლების” პრესსამსახურების პატიმრობას ითხოვდა.
ცნობისთვის, 23 აპრილს პოლიციელ მირიან ქავთარაძის შეურაცხყოფის საბაბით 3 ადამიანის მიმართ ადმინისტრაციული საქმის წარმოება დაიწყო. ესენი არიან: პარტია “ახალის” პრესსამსახური მირანდა ბაღათურია, “გირჩი – მეტი თავისუფლების” პრესსამსახური ანა ყურაშვილი და პოლიტპატიმრის, საბა სხვიტარიძის ძმა, თორნიკე სხვიტარიძე. მირიან ქავთარაძე ის პოლიციელია, რომელზე თავდასხმის ბრალდებითაც დააკავეს “კოალიცია ცვლილებისთვის” წევრი საბა სხვიტარიძე.
მირანდა ბაღათურია, ამბობს, რომ საერთოდ არ უნახავს 23 აპრილს მირიან ქავთარაძე.
“იმ დღეს საერთოდ არ მინახავს. ვიმყოფებოდი ზედა სართულზე. შემდეგ უკვე როცა ჩამოვედი და გამოვედი მირიან ქავთარაძეს უკვე დატოვებული ჰქონდა შენობა. მოწმეები არიან, რომლებიც ამბობენ, რომ თითქოს ფოიეში დამინახა. შსს იმიტომ ითხოვს ჩვენს პატიმრობას, რომ ეს არის დაკვეთა. მე ვარ ერთ-ერთი მთავარი მოწმე საბა სხვიტარიძის საქმეზე. დაშინებაზე მეტად შურისძიების მცდელობაა”.
კომენტარები