უნგრეთი საკმაოდ მძლავრად გვიჭერს მხარს – ვოლსკი

ქართული ოცნების დეპუტატმა, გია ვოლსკიმ, განაცხადა:

უნგრეთი არის უპირობო, მყარი მხარდამჭერი ზოგადად, მსოფლიოში მიმდინარე პროცესებზე, დამოკიდებულებებზე. რასაკვირველია, ევროინტეგრაციის პროცესთან დაკავშირებით უნგრეთის პოზიცია ცნობილია. ბევრი სხვა ქვეყანა გვიჭერს მხარს და პლუს ერთი – უნგრეთი, საკმაოდ მძლავრად. 

ცნობისთვის, ევროპარლამენტარმა ანდრიუს კუბილიუსმა, განაცხადა:

“მე ვიცი, რომ ქართული ოცნების წევრები ძალიან ახლოს არიან ორბანთან, მაგრამ ვფიქრობ, რომ სიმშვიდის საფუძველი მათ ნამდვილად არ აქვთ. ის რომ მხოლოდ უკრაინაზე საუბრობს, ეს არაფერს ნიშნავს, იმიტომ რომ უკრაინის დაბლოკვით მთელი პროცესი იბლოკება. რა თქმა უნდა, კრემლში ძალიან კმაყოფილები იქნებიან, თუ გაირკვა, რომ ევროკავშირი გადაწყვეტილებას ვერ იღებს. მე არ ვიცი, აქვს თუ არა კრემლს რაიმე სახის გავლენა ორბანზე, მაგრამ ფაქტია, რომ ორბანი იქცევა ისე, როგორც ეს მოსწონს კრემლს.”