“უნდა დასცინო” – რას ასწავლის მდინარაძე ღარიბაშვილს?

ოპოზიციის ზოგიერთ კითხვაზე პასუხის გაცემა შეუძლებელია. ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებთან განაცხადა.

როგორც მდინარაძემ განმარტა, მინისტრის საათის ფორმატში ირაკლი ღარიბაშვილი თავდაცვის მიმართულებით არსებულ გამოწვევებსა და მიღწევებზე ისაუბრებს.

“რა მიღწევები გვაქვს, სამწუხაროდ, ამაზე ხშირად არ საუბრობენ ქვეყნის შიგნით, ქვეყნის გარედან უფრო გვახსენებენ ხოლმე. ამ მიღწევების და დინამიკის გაძლიერება როგორ შეიძლება – ამაზე იქნება საუბარი. დღეს კითხვაც კი დაისვა, რატომ არ უპასუხებს ოპოზიციის შეკითხვებს ირაკლი ღარიბაშვილი.

მე გეტყვით, რომ უპასუხებს აუცილებლად, ეს არის ზოგადი მიდგომა, რაშიც დარწმუნებული ვარ, ეს ადამიანი გულისხმობს იმას, რომ შეუძლებელია ზოგიერთ კითხვაზე პასუხის გაცემა და მართლა არ უნდა უპასუხო.

თუ ვინმე დასვამს და დარწმუნებული ვარ დასვამენ კითხვას, „რატომ დაიხა ბათინკები?“, არ დახეულა არანაირი „ბათინკები“. ეს არის „ფეიკ ნიუსი“, თითქოს გერმანული უმაღლესი ხარისხის „ბათინკები“, რომელსაც იყენებს ნატო-ს ქვეყნების მნიშვნელოვანი და დიდი ნაწილი, დაიხა.

ამაზე თუ ვინმე იკითხავს, ჩემი აზრით, არ უნდა უპასუხოს. თუ ვინმე კითხავს, რომ „ბათინკები“ რატომ დაიხა, იმას უნდა დასცინო ალბათ, ამაზე სერიოზულად არ უნდა ილაპარაკო,“

ბატონო მამუკა, დაცინვა და ირონია თქვენი გუნდის წევრებმა ძალიან კარგად იციან – საქმით პასუხის გაცემა რომ ისწავლოთ, არ იქნებოდა ურიგო.