უკრაინის უმაღლესმა რადამ სიმბოლოები “Z” და “V” აკრძალა

უკრაინის უმაღლესმა რადამ სიმბოლოები “Z” და “V” აკრძალა – ამის შესახებ ინფორმაციას უკრაინული მედია ავრცელებს.

პარლამენტმა რუსეთი ტერორისტულ სახელმწიფოდ აღიარა.

კანონის თანახმად, ასოები “Z” და “V” აღიარებულია რუსეთის მიერ უკრაინაში შეჭრის სიმბოლოდ, რადგან ისინი აგრესორის სამხედრო აღჭურვილობას აღნიშნავენ. კანონი რუსეთს ტერორისტულ სახელმწიფოდ ცნობს, რომლის პოლიტიკური რეჟიმის ერთ-ერთი მიზანია უკრაინელი ხალხის სახელმწიფო გენოციდი, ფიზიკური განადგურება, უკრაინის მოქალაქეების მასობრივი მკვლელობა, საერთაშორისო დანაშაული მშვიდობიანი მოსახლეობის წინააღმდეგ, ომის აკრძალული მეთოდების გამოყენება, მშვიდობიანი მოსახლეობის განადგურება. ობიექტებისა და კრიტიკული ინფრასტრუქტურის განადგურება, ჰუმანიტარული კატასტროფების შექმნა უკრაინის ცალკეულ რაიონებში.

კანონი კრძალავს რუსეთის ნაცისტური ტოტალიტარული რეჟიმის ყოველგვარ პროპაგანდას, რუსეთის, როგორც ტერორისტული სახელმწიფოს მიერ უკრაინის წინააღმდეგ აგრესიის აქტს, მათ შორის შემოჭრის სიმბოლოების გამოყენებას.