ნატოს გენერალური მდივანი, იენს სტოლტენბერგი უკრაინის პრეზიდენტს, ვოლოდიმირ ზელენსკის შეხვდა.
ნატოს გენერალურმა მდივანმა ხაზგასმით აღნიშნა, რომ უკრაინის საზღვართან რუსეთის სამხედრო აქტიურობას გამართლება არ აქვს და ევროპაში უსაფრთხოებას ძირს უთხრის.
„მოვუწოდებთ რუსეთს, დაუბრუნდეს დიპლომატიას, ვითარება განმუხტოს და პატივი სცეს უკრაინის სუვერენიტეტსა და ტერიტორიულ მთლიანობას“, – აღნიშნა იენს სტოლტენბერგმა.
ნატოს გენერალური მდივნის თქმით, უკრაინის წინააღმდეგ აგრესია რუსეთს მძიმე შედეგებს მოუტანს და რუსეთს ის ძვირი დაუჯდება.
„ნატოს მხარდაჭერა უკრაინისადმი რუსეთისთვის საფრთხეს არ წარმოადგენს. უკრაინას უფლება აქვს, თავად აირჩიოს საკუთარი უსაფრთხოების ზომები. ეს ევროპის უსაფრთხოების ფუნდამენტური პრინციპია. გადაწყვეტილებას, შეუძლია თუ არა უკრაინას ნატოში გაწევრიანება, მხოლოდ უკრაინა და ნატოს 30 მოკავშირე მიიღებენ“, – განაცხადა იენს სტოლტენბერგმა.
კომენტარები