უკრაინის ჯანდაცვის მინისტრის, ზორიანა სკალეტსკას თქმით, სოლიდარობის ნიშნად ჩინეთიდან ევაკუირებულ მოქალაქეებთან ერთად კარანტინში დარჩება.
ფეისბუკზე გამოქვეყნებულ განცხადებაში ის წერს, რომ ევაკუირებულ მოქალაქეებთან ერთად დაკვირვების ქვეშ 14 დღე დარჩება – „იმავე შენობაში და იმავე პირობებში“.
მინისტრმა ამის შესახებ მას შემდეგ განაცხადა, რაც 20 თებერვალს ჩინეთიდან მოქალაეების ევაკუაცია უკრაინის ქალაქ ნოვი სანჟარიში, სპეციალურად მოწყობილ სამედიცინო ცენტრში მოხდა. მოქალაქეების ჩამოსვლას ადგილობრივთა ნაწილი აგრესიით დახვდა.
კომენტარები