უკრაინის დასავლელი მოკავშირეები ქმნიან ახალ კოალიციას, რათა მას მიაწოდონ შორი დისტანციის სარაკეტო არტილერია – ამის შესახებ გერმანიის კანცლერმა ოლაფ შოლცმა საფრანგეთის პრეზიდენტთან და პოლონეთის პრემიერთან გამართულ ერთობლივ ბრიფინგზე განაცხადა სამი ქვეყნის ლიდერების შეხვედრის შემდეგ.
“ვაიმარის სამეულის” [საფრანგეთი, გერმანია პოლონეთი] ლიდერებმა ბერლინში ევროპის უსაფრთხოებასა და უკრაინის დახმარებაზე იმსჯელეს.
გერმანიის კანცლერმა ასევე განაცხადა, რომ უკრაინის დახმარებას ევროპა არ შეწყვეტს და ევროკავშირი გამოიყენებს გაყინულ რუსულ აქტივებს კიევის ფინანსური მხარდაჭერისთვის.
მაკრონმა კი ხაზი გაუსვა, რომ ქვეყნები გააგრძელებენ უკრაინის მხარდაჭერას მანამ, სანამ საჭირო იქნება და კიდევ ერთხელ გაიმეორა: „უკრაინაში მთელი ევროპის უსაფრთხოება სასწორზე დგას“
პოლონეთის პრემიერმა დონალდ ტუსკმა შეხვედრას “ვაიმარის სამკუთხედის კარგი დასაწყისი” უწოდა და დააანონსა, რომ მომდევნო მოლაპარაკებები უკვე პოლონეთში გაიმართება.
კომენტარები