“უკრაინული ოჯახების 45%-ს საკვების პრობლემა აქვს. ზრდასრული ადამიანები ამცირებენ საკვების მიღებას იმისთვის, რომ მეტი შეხვდეთ ბავშვებს” – ინფორმაციას გაერო ავრცელებს.
„ყოველი მეხუთე იძულებულია, რომ მიმართოს შიმშილის დაძლევის სხვადასხვა ხერხს, მათ შორის – ამცირებს მიღებული საკვების ულუფას, ანდა იშვიათად იღებს საკვებს. ზრდასრული ადამიანები ამცირებენ საკვების მიღებას იმისთვის, რომ მეტი შეხვდეთ ბავშვებს“, – წერია გაეროს მიერ ტვიტერზე გამოქვეყნებულ განცხადებაში.
შეგახსენებთ, რუსეთის ჯარის უკრაინაში შესვლიდან უკვე 31 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 3 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
კომენტარები