უკრაინის ქალაქ ჩერკასში ის ტაძარი დაარბიეს, რომელიც რუსეთის საპატრიარქოს გამოეყო – სვიატო-მიხაილოვსკის საკათედრო ტაძარში ნიღბიანი 100-მდე პირი შეიჭრა და მრევლის ნაწილს ფიზიკურად გაუსწორდა.
თავდამსხმელებმა ცრემლსადენი გაზი გამოიყენეს და კამერები, კარები, ფანჯრები დაამტვრიეს. ასევე, რამდენიმე მოქალაქეს მობილური ტელეფონი წაართვეს.
17 ოქტომბრის დილას სამხედრო კაპელანმა ვოლოდიმირ პედკომ განაცხადა, რომ სვიატო-მიხაილოვსკი კიევის საპატრიარქოს დაქვემდებარებაში გადავიდა. მან კონფესიის მიუხედავად მოქალაქეებს ერთობლივ ლოცვაში მონაწილეობისკენ მოუწოდა.
კომენტარები