უკრაინაში, კიდევ ერთი ქართველი მებრძოლი, 42 წლის ალუდა ზვიადაური სევეროდონეცკში ოკუპანტის ნასროლ ტყვიას იმ დროს ემსხვერპლა, როცა მას ბრძოლის ველიდან დაჭრილი უკრაინელი ჯარისკაცი გამოჰყავდა.
ოჯახის ინფორმაციით, ზვიადაური ერთი წელი ესტონეთში ცხოვრობდა და უკრაინაში, ჩუმად სავარაუდოდ, მარტში ჩავიდა.
“კურიერი” უკრაინაში, საქართველოს ელჩს ესაუბრა. როგორც გიორგი ზაქარეიშვილი ამბობს, გარდაცვლილის საქართველოში გადმოსვენება, სავარაუდოდ, კვირის ბოლოსკენ მოხერხდება.
“სამწუხაროდ, დასტურდება ინფორმაცია, გუშინ გარდაცვლილ ქართველ მებრძოლზე. იგი თანამებრძოლების მიერ იქნა გამოყვანილი ბახმუდში და ცდილობენ გადაიყვანონ დნეპრში, სადაც უკვე ჩვენც ჩავერთვებით და დიდი ალბათობით კვირის ბოლოსკენ მოხერხდება მისი გადმოყვანა საქართველოში”, – აცხადებს საქართველოს საგანგებო და სრულუფლებიანი ელჩი უკრაინაში გიორგი ზაქარაშვილი.
კომენტარები