რუსეთის არმიის ვიცე-პოლკოვნიკის, ფეზულ ბიჭიკაევის ლიკვიდაცია დადასტურდა – მისი დაღუპვის შესახებ ინფორმაციას უკრაინული მედია ავრცელებს.
36 წლის ვიცე-პოლკოვნიკი ბიჭიკაევი უკრაინასთან ომში მონაწილე რუსეთის შეიარაღებული ძალების ერთ-ერთი პოლკის მეთაურის მოადგილის თანამდებობას იკავებდა. ის 2 მაისს უკრაინის ერთ-ერთ ფრონტზე მოკლეს.
ადგილობრივი მედია წერს, რომ ჩრდილოეთ ოსეთის მკვიდრი სამხედრო მოვალეობის შესრულებისას დაიღუპა.
მათი ცნობით, ბიჭიკაევის გარდაცვალების მიზეზი ტყვიით მიყენებული ჭრილობა გახდა. “გარდაცვალების დღეს, მიუხედავად მაღალი თანამდებობისა, პირადად ხელმძღვანელობდა მზვერავებს განსაკუთრებით მნიშვნელოვანი საბრძოლო დავალების შესასრულებლად”, – წერს ოსური მედია. მათივე ინფორმაციით, 36 წლის ბიჭიკაევი ხარკოვში იბრძოდა.
არსებული ინფორმაციით, ფეზულ ბიჭიკაევი გამოცდილი სამხედრო იყო და ის სირიაში “საქმიანი მისიით” არაერთხელ იმყოფებოდა.
კომენტარები