უკრაინამ ფრანგული Mirage 2000-ის ტიპის ავიაგამანადგურებლების პირველი პარტია და ამერიკული წარმოების F-16-ის ტიპის თვითმფრინავები მიიღო ნიდერლანდებიდან. ინფორმაცია ოფიციალურად დაადასტურეს როგორც უკრაინის პრეზიდენტმა, ისე თავდაცვის მინისტრმა რუსტემ უმეროვმა.
„უკრაინის შეიარაღებული ძალების საჰაერო ძალებმა მიიღო დიდი ხნის ნანატრი გაძლიერება – პირველი ფრანგული Mirage 2000 და F-16 გამანადგურებლები ნიდერლანდების სამეფოდან. ეს თანამედროვე საბრძოლო მანქანები უკვე უკრაინაშია და მალე დაიწყებენ საბრძოლო მისიების შესრულებას, გააძლიერებენ ჩვენს თავდაცვას და რუსეთის აგრესიას ეფექტურ წინააღმდეგობას გაუწევენ.” – განაცხადა უმეროვმა.
ვოლოდიმირ ზელენსკიმ ამ თემასთან დაკავშირებით ჟურნალისტების შეკითხვის პასუხად განმარტა, რომ თვითმფრინავები ქვეყანაში ოთხშაბათს ჩავიდა. ზელენსკიმ აღნიშნა, რომ არ შეუძლია გაამჟღავნოს უკრაინისთვის გადაცემული ფრანგული Mirage-ების რაოდენობა, თუმცა დაამატა, რომ რაოდენობა პრეზიდენტ მაკრონთან მიღწეული შეთანხმების შესაბამისია.
კომენტარები