CNN-ის ცნობით, უკრაინამ რუსეთისთვის მთავარი სტრატეგიული მნიშვნელობის ხიდები მათივე ნაღმებით ააფეთქა, ამისთვის მან მხოლოდ 600-დოლარიანი დრონები გამოიყენა..
უკრაინის 58-ე ცალკეულმა მოტორიზებულმა ქვეითმა ბრიგადის წევრმა CNN-ს განუცხადა:
„გაირკვა, რომ იქ რაღაც ხდებოდა (აქტივობა შეინიშნებოდა). ჩვენ არ შეგვეძლო ჩვეულებრივი სადაზვერვო დრონის ხიდის ქვეშ გაშვება, რადგან სიგნალი უბრალოდ გაქრებოდა, ამიტომ ხიდის ქვეშ გავუშვით ბოჭკოვანი ოპტიკით აღჭურვილი პირველი პირის ხედვის დრონი. ჩვენ იქ მათივე ნაღმები ვნახეთ, რომლებიც ავაფეთქეთ. ამის შემდეგ, გადავწყვიტეთ, მეორე ხიდი შეგვემოწმებინა. აღმოვაჩინეთ, რომ ისიც დანაღმული იყო და დავარტყით. ჩვენ შესაძლებლობა დავინახეთ და გამოვიყენეთ”
მისივე თქმით, თავდასხმისთვის გამოყენებული დრონების ღირებულება 600-დან 725 დოლარამდე მერყეობს, სწორედ ეს ხდის ამ სპეცოპერაციას განსაკუთრებით ღირებულსა და ეფექტურს. შედარებისთვის, უკრაინამ რუსეთის კურსკის რეგიონში ხიდების ასაფეთქებლად დასავლეთის მიერ მოწოდებული საარტილერიო სარაკეტო სისტემა (HIMARS) გამოიყენა, რომლის ფასიც დაახლოებით 30 მილიონი დოლარია, თითოეული რაკეტა კი ათიათასობით დოლარი ღირს.
კომენტარები