უკრაინა: კურსკში რუსული Су-34 გავანადგურეთ

უკრაინის გენშტაბში აცხადებენ, რომ რუსეთში, კურსკის ოლქის ტერიტორიაზე რუსული ავიაგამანადგურებელი Су-34 გაანადგურეს.

“დღეს, ღამით კურსკის ოლქის ტერიტორიაზე საბრძოლო დავალებების შესრულების დროს უკრაინის შეიარაღებული ძალების საჰაერო ძალების სარაკეტო ჯარების ძალისხმევითა და საშალებებით განადგურებულ იქნა რუსული გამანადგურებელ-ბომბდამშენი Су-34.” – ამბობენ უკრაინის გენშტაბში.

აქამდე უკრაინამ რამდენიმე რუსულ აეროდრომზე დრონებით იერიშები მიიტანა. სამიზნეებს შორის იყო აეროდრომი სავასლეიკა, სადაც აფეთქებების ხმები ისმოდა. ამ ბაზაზე განთავსებულია МиГ-31 К-ს ტიპის თვითმფრინავები. ასევე, როგორც უკრაინულ ტელეგრამ-არხებზე წერნდნენ აფეთქებების ხმები ისმოდა აეროდრომ ბალტიმორზე, სადაც ბაზირებულია Су-34-ები, და აეროდრომ ბორისოგლებსკზე, სადაც Су-25-ები არის გაჩერებული.

რუსეთის თავდაცვის სამინისტრო ირწმუნებოდა, რომ ჩამოაგდეს 117 დრონი და 4 ტაქტიკური რაკეტა.