ოპოზიციამ ვარკეთილში უკანონოდ აშენებული კორპუსი აღმოაჩინა. საცხოვრებელი კომპლექსი “ქართული ოცნების” მაღალჩინოსნის კომპანიის “გეგე დეველოპმენტის” მიერ არის აშენებული. ქვემო ქართლის გუბერნატორის მოადგილემ, ლევან სინჯიკაშვილმა და მისმა ბიზნესპარტნიორმა გია ჩირაღიშვილმა ისე ააშენეს, რომ ნებართვა მერიისგან და ზედამხედველობის სამსახურისგან არ ჰქონიათ. მიუხედავად უკანონო მშენებლობისა, კომპანია არავის დაუჯარიმებია. კომპანიამ კი 7 მილიონის მოგება ნახა.
ენმ-ს წევრი, ლევან ხაბეიშვილი საქმეზე გამოძიების დაწყებას ითხოვს.
კორპუსის უკან დგას “ქართული ოცნების” მაღალჩინოსანი კონკრეტულად ქვემო ქართლის გუბერნატორის მოადგილე და ასევე კონკრეტული “ბიზნესმენი”, რომელმაც თავის დროზე ძალოვან უწყებების წინააღმდეგ მისცა ჩვენება. ამ უკანონო მშენებლობიდნა დაახლოებით 5-7 მილიონი ლარი იშოვა კონკრეტული თანამდებობის პირმა.
მოვითხოვ ყველა სისხლის სამართლის დამნაშავის დასჯას“, – ამბობს ლევან ხაბეიშვილი.
კომენტარები