“უგულავათი და ჭიაბერაშვილით არ იწყება ჩვენი ქალაქის ისტორია” – ლევან ლორთქიფანიძე

პოლიტოლოგი, ლევან ლორთქიფანიძე:

“გუშინ ერთ უბადრუკს უთქვამს: „ქართული ოცნება“ თბილისის მერობის კანდიდატად ასახელებს თბილისის ყველა დროის საუკეთესო მერს, კახა კალაძეს“.

თბილისის მერი გახლდათ დიმიტრი ყიფიანი.

“მართალია, დიმიტრი ყიფიანი მდიდარი კაცი არ არის; და არ არის მდიდარი იმიტომ, რომ ის სხვებსავით თავის სინდისსა და პატიოსნებას არ ჰყიდდა. იმან არ მოინდომა უკანონოთ, სხვების დაჩაგვრითა და ცარცვით გამდიდრებულიყო. ამ ნივთიერ სიმდიდრის ნაცვლად, იმან დაიმსახურა სახელი პატიოსანი და უანგარო კაცისა. და ეს ხშირად მილიონებს სჯობია” (“დროება”).

თბილისის მერი იყო ბენია ჩხიკვიშვილი.

სოციალისტის მიერ დატრიალებული ბევრი დიდი საქმიდან ერთი მახსენდება. ბენია ქალაქის მიკიტანებს გადასახადებისგან ათავისუფლებდა, რათა ფიროსმანის ნახატები დაეთმოთ. ნახატებს დიმიტრი შევარდნაძე გვიგროვებდა, რათა საფლავის მსგავსად ნიკალას შემოქმედებაც არ დაგვეკარგა.

—

დიდი ადამიანები იყვნენ და არც წყალზე, სოციალურ საცხოვრისსა და ტრანსპორტზე ზრუნვა უჭირდათ. აღწერებსაც ატარებდნენ და ქუჩებსაც კირწყლავდნენ. თავი არ დაუზოგავთ.

უგულავათი და ჭიაბერაშვილით არ იწყება ჩვენი ქალაქის ისტორია.”