16 ივნისს, პრეზიდენტმა სალომე ზურაბიშვილი მდუმარე აქცია ჩაატარა, თუმცა, იმდენი კომენტარი და ინტერვიუ ჩაიწერა იმ დღეს, მდუმარების რა გითხრათ. პრეზიდენტმა დაანონსა, რომ აქცია იქნებოდა იმის მაჩვენებელი, რომ საქართველოს ნამდვილად სურს ევროკავშირში ყოფნა და სთხოვა 20 ივნისის აქციის ორგანიზატორებს და ხელისუფლებას, მისულიყვნენ აქციაზე.
20 ივნისის აქციის ორგანიზატორებმა, სალომე ზურაბიშვილის მიწვევა მიიღეს და უპასუხეს:
“ჩვენ ვიღებთ პრეზიდენტის მოწვევას 16 ივნისის აქციაზე და ვთავაზობთ, მანაც მიიღოს სამოქალაქო საზოგადოების თვითორგანიზებულ ჯგუფთა მოწვევა და დაესწროს შეკრებას “შინ ევროპისკენ”, რომელიც 20 ივნისს, 20 საათზე პარლამენტთან დაიწყება და ევროპის მოედანზე დასრულდება.
ქვეყანაში, სადაც ახალ წელს ორჯერ ვზეიმობთ, არაფერი დაშავდება, თუ ევროინტეგრაციისადმი ერთგულებასაც ორჯერ აღვნიშნავთ.”
აქციაზე იმყოფებოდა პოლიტიკოსი, დავით ბერძენიშვილიც, რომელმაც თქვა:
“პრეზიდენტმა მოგვმართა და მოვედით, ჩვენც მივმართვთ და 20-ში მოვიდეს.”
თუმცა, აქციაზე არ მივიდნენ ხელისუფლების წარმომადგენლები.
სალომე ზურაბიშვილმა 16 ივნისს განაცხადა, რომ აქცია იყო მოუმზადებელი, დაუორგანიზებელი და მისი მიზანიც სწორედ ეგ იყო, თუმცა, იქვე აღნიშნა, რომ მას უნდოდა, ევროპისთვის ეჩვენებინა, მოქალაქეების ნება, უცნობია, როგორ უნდა დაენახა მოუმზადებელი, დაუორგანიზებელი აქციიდან რაიმე კარგი ევროკავშირს…
პრეზიდენტმა განაცხადა, რომ იგი აქციაზე პრეზიდენტი არ არის, თუმცა, ისიც დაამატა, რომ მან, როგორც პრეზიდენტმა, აქციაზე ელჩები და დიპლომატები მიიწვია.
იმედს ვიტოვებთ, რომ ევროპარლამენტარები არ მოუსმენდნენ, 16 ივნისს აქციაზე მისული პრეზიდენტის ინტერვიუებს, სადაც იგი მისული იყო, როგორც არაპრეზიდენტი, თუმცა, კომენტარებს აკეთებდა როგორც პრეზიდენტი და მართლაც არ იფიქრებენ, რომ რამე ტიპის დასკვნა უნდა გამოიტანონ 16 ივნისის აქციიდან… წინააღმდეგ შემთხვევაში, თავადაც მიხვდებით, რა დასკვნის გამოტანა შეიძლება აქციიდან, რომელიც მმართველი გუნდის წევრმა, პრეზიდენტმა დააანონსა და სადაც მმართველი გუნდიდან და მათი მხარდამჭერებიდან არავინ მივიდა.
მიიღებს, თუ არა საპასუხო მიწვევს პრეზიდენტი 20 ივნისის აქციაზე და შეუერთდება თუ არა ხალხს? – დღის დასრულებამდე, ამ კითხვასაც გაეცემა პასუხი.
სალომე ზურაბიშვილი, 14 ივნისი:
“კიდევ ერთი კითხვა გაჩნდა – სხვა რა უნდა გაგვეკეთებია? – თუნდაც ის, რაც გააკეთა მოლდოვამ, ჩვენზე მეტი არც სანქციები მიუღია და არც მოუთხოვია არავის, არც მისგან და არც ჩვენგან – ეს უნდა ითქვას, არც ომში ჩართვა არც მისგან და არც ჩვენგან არავის მოუთხოვია, მაგრამ მოლდოვამ შეძლო ის, რაც ჩვენ გვიჭირს – გაჩუმება და მუშაობა ევროპის ყველა დედაქალაქში – რაც ჩვენ არ გაგვიკეთებია, ვერ კი არა, არ გაგვიკეთებია.
ეს ყველაფერი კითხვებს აჩვენს ჩვენი პოლიტიკური ნების შესახებ – ამ ყველაფერმა მიგვიყვანა დღევანდელ მდგომარეობამდე, როცა არც მეგობარი, არც მოკავშირე გვყავს, რომელიც ჩვენ პოზიციას დაიცავს, არგუმენტებიც არ მიგიწოდებიათ დასაცავად და ვინც ჩვენ დასაცავად მზად იყო, ის ყველაზე მეტად გავანაწყენეთ, ჩვენი დიდი მეგობარი პოლონეთი.
საფრთხე ჩნდება იზოლაციის, იზოლაციის, რომელიც ჩვენ მერ შექმნილია, ბევრად უფრო დიდი და რეალური საფრთხეა, ვიდრე ე.წ. მეორე ფრონტის შექმნილი მითი.”
კომენტარები