,, უბრალოდ ჭინჭყი რომ იყოს და არა მავნებელი, ამასაც აიტანდა კაცი” – ლაშა ნაცვლიშვილი

ყოფილი ჩინოვნიკი ლაშა ნაცვლიშვილი:

,,ახლა ვფიქრობდი – ბოლო 30 წელი მიშა სააკაშვილი აქტიურ პოლიტიკაშია. ამ დროის განმავლობაში, ის იყო საქართველს პარლამენტის წევრი (რამდენჯერმე), იურიდიული კომიტეტის თავმჯდომარე, უმრავლესობის ლიდერი, იუსტიციის მინისტრი, თბილისის საკრებულოს თავმჯდომარე და მერე პრეზიდენტი;

საქართველოს პრეზიდენტობა რომ მოილია, ტყავი და პასპორტი გამოიცვალა და იყო ოდესის გუბერნატორი, უკრაინის რეფორმების საბჭოს კოორდინატორი და პრემიერ-მინისტრობის კანდიდატი.

ამ პერიოდში, ჯამურად, 20-ზე არჩევნებში აქვს მიღებული მონაწილეობა ორივე ქვეყანაში და არცერთი, ვიმეორებ, არცერთი(!) არჩევნების შედეგი არ აქვს ნაღიარები, რომელშიც მისი პოლიტიკური გუნდი (პარტია, მაჟორიტარი, პრეზიდენტობის კანდიდატი) დამარცხდა და უკლებლივ ყველა არჩევნების შედეგის შეცვლას ძალისმიერი მეთოდით (რევოლუციით) ცდილობდა.

ბავშვობიდან გემახსოვრებათ, ჭინჭყლ ბავშვთან ფეხბურთის თამაშიც კი გვეზარებოდა.

უბრალოდ ჭინჭყი რომ იყოს და არა მავნებელი, ამასაც აიტანდა კაცი, მაგრამ ხომ ფაქტია, რომ ამ წარსულის კაცი და მისი დაჯგუფება, არანაირ პოლიტიკურ პარტიას, თუნდაც რადიკალურს, არ წარმოადგენს. ნაციონალური მოძრაობა, თავისი განშტოებებით, ჩვეულებრივი ექსტრემისტული დაჯგუფებაა, რომლის ქართული სხეულიდან ამოშანთვა ისტორიულ, პოლიტიკურ, სამართლებრივ, სამედიცინო და ჰიგიენურ ამოცანას წარმოადგენს და ვიდრე არ განხორციელდება, ეს ქვეყანა ვერ დაისვენებს.“