“უარი ვუთხარი ამირხანაშვილს” – რას ჰყვება ლურსმანაშვილი და სად არის მისი ტანსაცმელი?

24 წლის ლაშა ლურსმანაშვილი ირწმუნება, რომ 19 ივნისს, დიდუბეში გადაღებულ კადრებში, თეთრ პერანგიანი მამაკაცი სწორედ ის არის.

ახალგაზრდა “ნიუპოსტთან” ამბობს, რომ ამის დამადასტურებელი ტანსაცმელია, რომელიც ახლა გამოძიებას აქვს წაღებული. მისივე მტკიცებით, თეთრ სამარშუტო ტაქსს ხაშურიდან თბილისის მიმართულებით გაყვა რადგან, მას დედაქალაქში პირადი საქმე ჰქონდა.

ლურსმანაშვილის თქმით, დიდუბეში ჩასვლისას მას უცნობი პირი დახვდა, რომელმაც დარეკვა სთხოვა თუმცა, უარით უპასუხა რადგან, ანგარიშზე საკმარისი თანხა არ ჰქონდა. ლურსმანაშვილი 24 წლის არის, მას მეუღლე და 2 შვილი ჰყავს. ახალგაზდა ხაშურში, მანქანების ხელოსნად მუშაობს.

როგორც მეზობლებს, ასევე თანამშრომლებს უჭირთ უპასუხონ მთავარ კითხვას – არის თუ არა თეთრ პერანგში და შავ-თეთრ ფერებში გამოწყობილ კეტებში მამაკაცი ნამდვილად ლაშა ლურსმანაშვილი.