“წულუკიანის კომისია” სრული შემადგენლობით დაასანქცირეს

ესტონეთმა საქართველოს კიდევ 19 მოქალაქე დაასანქცირა – სანქცირებულთა შორის არიან ის პროკურორები და მოსამართლეები, რომლებიც სინდისის პატიმრების საქმეებზე მუშაობენ.

შეზღუდვები დაუწესდათ  “ქართული ოცნებისა” და მისი განაყოფის “ხალხის ძალის” დეპუტატებს.

აღსანიშნავია, რომ სანქცირებულთა სიაში არიან სადაო ლეგიტიმაციის მქონე პარლამენტში შექმნილი ე.წ. საგამოძიებო კომისის წევრები.

• ალუდა ღუდუშაური;
• ილია ინჯია;
• ირაკლი ქადგიშვილი;
• გურამ მაჭარაშვილი;
• თენგიზ შარმანაშვილი;
• სოზარ სუბარი;
• ალექსანდრე ტაბატაძე;

რაც შეეხება თეა წულუკიანს, ის ესტონეთმა პირველ ეტაპზე დაასანქცირა და ქვეყანაში შესვლა აუკრძალა.

„ქართულ ოცნებას“ ერთპარტიულ პარლამენტში შექმნილი აქვს წინა ხელისუფლების საქმიანობის შემსწავლელი საგამოძიებო კომისია, რომელსაც თეა წულუკიანი ხელმძღვანელობს.

“ქართული ოცნების” მიერ მიღებული რეგლამენტით, საგამოძიებო კომისიის მოთხოვნის შემთხვევაში სხდომაზე გამოცხადება სავალდებულოა, წინააღმდეგ შემთხვევაში ის შეიძლება, პატიმრობით დაისაჯოს.

ასე მოხდა 8 პოლიტიკოსის შემთხვევაში.

მამუკა ხაზარაძე, ბადრი ჯაფარიძე, ნიკა მელია, ნიკა გვარამია, გიორგი ვაშაძე, ზურაბ გირჩი ჯაფარიძე, გივი თარგამაძე, ირაკლი ოქრუაშვილი – ყველა მათგანი წულუკიანის კომისაიაზე გამოუცხადებლობის გამო ციხეში გაუშვეს.