წრიული მარში რუსთაველზე – “არ გვაკეტინევთ გზას? ბორბლებით სიარული რუსთაველის გამზირზე ჩვენთვის ჯერ არავის დაუშლია!”

ფოტო – mo se

დღეს, 7 ნოემბერს, თბილისში, რუსთაველის გამზირზე ახალი ივენთი დაიგეგმა, 21 საათზე.

ივენთის ორგანიზატორები წერენ:

ივენთი შეიქმნა გუშინ განვითარებული მოვლენებიდან გამომდინარე.
6 ნოემბერს როდესაც მოქალაქეები ტრადიციისამებრ აპირებდნენ რუსთაველის გამზირის გადაკეტვას, საპოლიციო ძალებმა ისინი უხეშად გადმოისროლეს ტროტუარზე, ასევე დააკავეს ერთ ერთი დემონსტრანტი რომელიც აპირებდა გზის გადაკეტვას.
გუშინ საღამოს რუსთაველის გამზირი ვერ გადაიკეტა.
მთელი საღამო დიქტატურის მსახურები (პოლიციელები) იდგენ კორდონით პარლამენტის მხარეს ტროტუარზე და იცავდნენ გზას გადაკეტვისგან.
მსგავსი პრეცენდენტი მანამდე არ მომხდარა.
როდესაც ებრძვი დიქტატურას, პროტესტიც უფრო მრავალფეროვანი და ყოველ ჯერზე განსხვავებული ხდება, იმ აბსურდული კანონების ფონზე რითაც დიქტატორი ცდილობს გადაგვიკეტოს ჟანგბადი პროტესტიც ლავირების გზებს პოულობს და მუდმივ ცვლილებას განიცდის.
არ გვაკეტინევთ გზას?
ბორბლებით სიარული რუსთაველის გამზირზე ჩვენთვის ჯერ არავის დაუშლია!  
გელით ყველას, დღეს საღამოს 21:00ზე, იქ სადაც ვკეტავდით დავტოვოთ ჩვენი ბორბლების ნაკვალევი!