ცოტა თუ დაფიქრდებით, მიხვდებით, რატომ აღელვებდა ევროკავშირს ქართული საპარლამენტო ბოიკოტი – ზურაბ გურული

ამერიკაში მცხოვრები ექიმი, ზურაბ გურული, სოციალურ ქსელში, წერს:

“ეს არის შეტევა დემოკრატიაზე! ეს არის შეტევა გამოხატვის თავისუფლებაზე! ეს არის შეტევა ევროპულ სუვერენიტეტზე და ეს თავხედური ქმედება ითხოვს მკაცრ პასუხს! ჩვენ შევაჩერებს ბელარუსისათვის გამოყოფილ 3.7 მილიარდ ევროს მანამ, სანამ ბელარუსი არ დაუბრუნდება დემოკრატიული განვითარების გზას“ ( ურსულა ფონ დერ ლეიენი, ევროკავშირის აღმასრულებელი კომისიის პრეზიდენტი)

ანუ, ევროკავშირს „დემოკრატიული“ ბელარუსის განვითარებისათვის 3.7 მილიარდი ევრო ჰქონდა გამოყოფილი და რომ არა უბედური პრატასევიჩი, „ბატკას“ სამფლობელო ამ თანხას წარმატებით გამოიყენებდა ქვეყანაში „დემოკრატიის გასამტკიცებლად“. ალბათ ხვდებით, როგორ ხდება მოდერნიზებული დიქტატურებისათვის სიცოცხლისუნარიანობის გაგრძელება დასავლური ფინანსური რესურსებით.

ის ფაქტი, რომ ამ მილიარდების 99% „ბატკას“ და სხვა მასთან გათანაბრებული ენდემური ერისმამების მიერ შექმნილ ელიტათა ჯიბეებში ჩაილექება, ეს ნაკლებად ადარდებთ ნაირნაირ „შალიკო-მიხეილებს“. მთავარია ის, რომ კიდევ ერთი ჰუმანიტარული ევროპროექტის განხორციელება „ჩაეთვლება“ დემოკრატიულ ევროპას და მასში მონაწილე ევრობიუროკრატებიც ჩაითვლიან ხელფასებსა თუ სხვა სამადლობელ საჩუქრებს მადლიერი ენდემური ელიტებისაგან.

ცოტა კიდევ თუ დაფიქრდებით, იმასაც მიხვდებით, თუ რატომ აღელვებდა ევროკავშირს ქართული საპარლამენტო ბოიკოტი და ბოიკოტის ზეგავლენის მასშტაბებსაც …”