თბილისში, ამაღლების ქუჩაზე მდებარე სუპერმარკეტ „სპარში“ კორონავირუსი გამოვლინდა. კომპანიის მარკეტინგის სამსახურში გვითხრეს, რომ ინფექცია ერთ-ერთ კონსულტანტს დაუდასტურდა.
ინფიცირებულთან შემხებლობაში მყოფი ყველა თანამშრომელი თვითიზოლაციაში გადავიდა, ერთი მათგანი კარანტინში იმყოფება, უშუალოდ კოვიდინფიცირებული კონსულტანტი კი მკურნალობას სამედიცინო დაწესებულებაში გადის.
მაღაზიამ სადენზიფექციო სამუშაოების შემდე მუშაობა თანამშრომელთა ახალი ცვლით განაახლა.
„სპარის“ აღნიშნული ფილიალი, სოლოლაკში, ამღალების ქუჩაზე მდებარეობს. როგორც ადგილზე გვითხრეს, ამ მარკეტით დღის განმავლობაში უამრავი ადამიანი სარგებლობს, მათ შორის ცნობილი პოლიტიკოსები და მათი ოჯახის წევრები.
ამ უბანში, ერთ კორპუსში ცხოვრობენ ცნობილი სახეები, მათ შორის პრემიერ მინისტრი გიორგი გახარია, თავდაცვის ყოფილი მინისტრი ირაკლი ალასანია, ექსპერტი გია ხუხაშვილი, „ლელოს“ ერთ-ერთი ლიდერი ბადრი ჯაფარიძე და სხვა.
2020NEWS.GE
კომენტარები