“წინასწარმეტყველება”, რომელიც 24 საათში ახდა – რას წერდა არჩილ გამზარდია

ჟურნალისტი, ანალიტიკოსი, არჩილ გამზარდია, ჯერ კიდევ გუშინ, სოციალურ ქსელში წერდა:

“ლოქდაუნის გასამართლებლად, არ გამიკვირდება, უახლოეს ხანებში კოვიდის სტატისტიკა შემცირდეს.

გარშემო მძიმე მდგომარეობაა, ცალკე ამ ვირუსისგან, ცალკე ყველა სხვა ვირუსის “გაკოვიდებისგან”, მაგრამ რაც შეეხება სტატისტიკას, თავიდან ბოლომდე ეს პროცესი პროპაგანდის და პოლიტტექნოლოგიის თემაა.”

დღეს მისი “წინასწარმეტყველება” სასწაულებრივად ახდა და რამდენიმე წუთის წინ, ამირან გამყრელიძემ განაცხადა, რომ ინფიცირებულთა სტატისტიკა 3-4 პროცენტით შემცირდა:

“ბოლო 2 კვირის განმავლობაში დადებითობის მაჩვენებელი ოდნავ მცირდება, 32-31% გვქონდა, ბოლო 2 დღეა გვაქვს 28%, ანუ დინამიკა დადებითობის პროცენტისა მოდის ქვემოთ”

გამომდინარე იქედან, რომ 28 ნოემბრიდან, ჯერ 2 კვირაც არ გასულა, ხოლო 27 ნოემბერს, შავი პარასკევი ყველამ ერთად ვიხილეთ, მართლაც სასიამოვნო საოცრებაა, რომ სტატიკია უკეთესობისკენ შეიცვალა.