“წინასაარჩევნო კამპანია ჩემი მშობლიური ბუკისციხე – იანეულიდან დავიწყე, აქ არის ჩემი ფესვები” – დავით შარაშიძე

ქართული ოცნების ჩოხატაურის მერობის კანდიდატმა, დავით შარაშიძემ, წინასაარჩევნო კამპანია მშობლიური სოფლიდან დაიწყო.

მერობის ახალგაზრდა კანდიდატი, პირობას დებს, რომ სოფლებში ჯერ კიდევ არსებული პრობლემების მოგვარებისთვის ძალისხმევას არ დაიშურებს.

დავით შარაშიძე:

“წინასაარჩევნო კამპანია ჩემი მშობლიური ბუკისციხე – იანეულიდან დავიწყე. აქ არის ჩემი ფესვები.

მახარებს, ჩვენი თანამოქალაქეების მიერ გამოხატული მადლიერება, „ქართული ოცნების“ ხელისუფლების დროს, არაერთი ინფრასტრუქტურული პროექტის განხორციელებისა და სოციალური პროგრამებით მოსახლეობის სარგებლობის გამო.

ვისაუბრეთ ამ სოფლებში ჯერ კიდევ არსებულ პრობლემებზე, რომელთა მოგვარებისთვის ძალისხმევას არ დავიშურებ.

მოსახლეობას, საკრებულოს მაჟორიტარ კანდიდატად გოჩა ჯიქია წარვუდგინე, რომელიც ორი მოწვევის საკრებულოს წევრია.

„ქართული ოცნება” არის პოლიტიკური ძალა, რომელსაც აქვს გამოცდილება, რომ ყველა ოჯახმა იგრძნოს უფრო მეტი სიკეთე და განვითარება.
მადლობა თითოეულ მოქალაქეს საარჩევნო კამპანიაში აქტიური ჩართულობისთვის. ჩვენ ერთად გავიმარჯვებთ!

#განვითარებაყველარეგიონს