“ძლიერი საქართველოს” ლიდერი, ირაკლი კუპრაძე ცესკოს ახალ დადგენილებას, რომლითაც თვითმმართველობის არჩევნებისთვის ხმის მიცემის აპარატებზე ბიულეტენის დასაფარ მოწყობილობას ამატებენ, აფასებს და ამბობს:
“ქართულ ოცნებას”- ივანიშვილის რუსულ რეჟიმს და მას დაქვემდებარებულ ცენტრალურ საარჩევნო კომისიას, მოუწია უმნიშვნელოვანესი, უმძიმესი დანაშაულის აღიარება. იმ ცვლილებებით, რომელსაც ცენტრალური საარჩევნო კომისია წარმოადგენს, ივანიშვილი და მისი რეჟიმი აღიარებს, დარღვეული იყო კონსტიტუციური საარჩევნო უფლება, რომელიც საკუთარ თავში გულისხმობს ხმის ფარულობას. ეს უფლება იყო დარღვეული და ივანიშვილის რუსულმა რეჟიმმა ამ უფლების დარღვევა გამოიყენა ზეწოლისთვის, ძალადობისთვის გაყალბებისთვის და მანიპულაციისთვის.
დღეს “ქართული ოცნება” ამ აღიარების პირობებში გაატარებს დამატებით ცვლილებებს, რაც არის არის მტკიცებულება არჩევნების ბათილად ცნობის. ეს არის ფაქტობრივი მოცემულობა, რომლის აღიარებაც ივანიშვილის რუსულ რეჟიმს უწევს. ჩვენ გავაგრძელებთ ბრძოლას და თითოეული ასეთი აღიარება არის შედეგი იმ ბრძოლისა, წინააღმდეგობისა, ჩვენი პარტნიორებისთვის მიწოდებული ინფორმაციებისა, ეუთო/ოდირისადმი, რომელმაც გასცა შესაბამისი რეკომენდაციები იმ მძიმე კონსტიტუციური დარღვევების შესახებ, და ხელისუფლებას სხვა გზა არ დარჩა, რეაგირება მოეხდინა ჩვენს წინააღმდეგობაზე, ბრძოლაზე და წინააღმდეგობაზე და საერთაშორისო ორგანიზაციების მხრიდან არსებულ რეკომენდაციებზე
კომენტარები