“წელს ინფექციური დაავადებების ცენტრი გადავა ახალ შენობაში და ეს საკითხი დაიხურება” – გაბუნია

ჯანდაცვის მინისტრის მოადგილემ თამარ გაბუნიამ საკოორდინაციო საბჭოს სხდომის დასრულების შემდეგ, ბრიფინგზე განაცხადა:

“წელს იქნება ის ბოლო ვადა, რომ ინფექციური დაავადებების ცენტრი გადავიდეს ახალ შენობაში და ეს საკითხი დაიხუროს.

რემონტის საკითხებზე აქტიური მუშაობა მიდის, რომ წელს იყოს ის ბოლო ვადა, როდესაც დასრულდება სრულად ახალი შენობის რემონტი. გარკვეული ადაპტაცია სჭირდება ინფექციის კონტროლის მიზნებისთვის, ამიტომ გართულდა და გახანგრძლივდა ეს პროცესი, რადგან სპეციფიკური ტექნიკური ექსპერტიზა არის საჭირო იმისთვის, რომ შენობა შესაბამისად მოეწყოს. არავითარი რისკი შიდსის ცენტრის ფუნქციონირებას არ შეექმნება და მინისტრი უზრუნველყოფს ამ პროცესის მართვას. წელს მიდის მუშაობა იმაზე, რომ შიდსის ცენტრი დარჩეს იქ, სადაც არის, ვიდრე რემონტი არ დასრულდება“

შეგახსენებთ, ინფექციური დაავადებების ცენტრში, პირდაპირი გაგებით, წვიმის წყალი ჩადის.