გეგუთის საპყრობილეში წამებით მოკლული 21 წლის გიგა ფარტენაძის მკვლელობაში მსჯავრდებული შოთა შანიძე შესაძლოა ვადაზე ადრე გაათავისუფლონ.
შესაბამისმა უწყებებმა მოკლულის ოჯახს უკვე აცნობეს, რომ საპროცესო შეთანხმების გაფორმება და სასჯელის 3 წლით შემცირება იგეგმება. რასაც ოჯახი კატეგორიულად ეწინააღმდეგება.
ადვოკატი თეიმურაზ ქავშბაია ამბობს, რომ შანიძის ოჯახი წლების განმავლობაში პროკურატურის დისკრედიტაციას ახდენდა, თუმცა, ბოლო პერიოდში მათ გაურიგდა.
აღსანიშნავია, რომ დაზარალებულის ოჯახის პოზიციას სავარაუდოდ გადაწყვეტილებაზე არ ექნება გავლენა, რადგან საპროცესო გარიგება სასამართლომ უნდა გააფორმოს, რომლის გადაწყვეტილება გასაჩივრებას არ ექვემდებარება.
შოთა შანიძე საპატიმროს, სავარაუდოდ, 2022 წელს დატოვებს.
ფარტენაძე 7 წლის წინ მოკლეს.
კომენტარები