მეხანძრე-მაშველები სამეგრელოში, წალენჯიხის მუნიციპალიტეტის სოფელ სქურის მიმდებარედ, 24-საათიან, უწყვეტ რეჟიმში განაგრძობენ დაკარგული კაცის საძიებო სამუშაოს. სამაშველო-საძიებო ოპერაციაში ჩართულია 15-კაციანი ჯგუფი და დრონი.
ამის შესახებ შინაგან საქმეთა სამინისტროს საგანგებო სიტუაციების მართვის სამსახურის განცხადებას ავრცელებს.
„დღეს, საძიებო სამუშაოებში ჩართო შინაგან საქმეთა სამინისტროს სასაზღვრო პოლიციის ვერტმფრენი. მაშველებსა და ოჯახის წევრებთან ერთად, მთის ფერდის ის ნაწილი დაათვალიერეს, სადაც ფეხით გადაადგილება შეუძლებელია.
შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში 6 ოქტომბერს შევიდა შეტყობინება, რომ წალენჯიხის მუნიციპალიტეტის სოფელი ჯგალიდან სქურის მიმართულებით გავიდა 61 წლის კაცი, რომელიც სახლში არ დაბრუნებულა.
სამაშველო-საძიებო სამუშაოში დაუყოვნებლივ ჩაერთო მეხანძრე-მაშველთა ჯგუფი. მათ დაკარგულის პირადი ნივთები სქურის მთაში, მიტოვებულ ქოხში იპოვეს. საძიებო სამუშაოში ასევე ჩართული იყო ექსპერტ-კრიმინალისტების კინოლოგიური სამსახურიც.
ამ დრომდე გრძელდება გაუჩინარებული 61 წლის კაცის საძიებო სამუშაო“, – აღნიშნულია განცხადებაში.
კომენტარები