“ნაციონალური მოძრაობის“ წალენჯიხის რაიონული ორგანიზაციის თავმჯდომარის ვინაობა ცნობილია.
პოსტს პარტიის პოლიტსაბჭოს მიერ წარდგენილი კანდიდატი, მამუკა ქარდავა დაიკავებს. მას მხარი წალენჯიხის მუნიციპალიტეტში, “ნაციონალური მოძრაობის” რაიონული ორგანიზაციის თავმჯდომარის არჩევნებში მონაწილეთა 1451-მა ამომრჩეველმა დაუჭირა.
რაც შეეხება მეორე, უპარტიო კანდიდატს ბაჩანა ქანთარიას, არჩევნების შედეგების მიხედვით, მან 650 ხმა მიიღო.
შეგახსენებთ, რომ “ნაციონალურ მოძრაობაში” ეს უკვე, რიგით მეორე შიდაპარტიული არჩევნებია, რომელიც ენმ-ს პოლიტსაბჭოს გადაწყვეტილებით, რაიონულ ორგანიზაციებში, ახალი თავმჯდომარეების შესარჩევად ჩატარდა. რამდენიმე თვის წინ კი, პირველი შიდაპარტიული არჩევნების შედეგების მიხედვით, ენმ-ს ახალ თავმჯდომარედ, ლევან ხაბეიშვილი დაინიშნა. მან აღნიშნულ პოსტზე, ნიკა მელია ჩაანაცვლა.
კომენტარები