წელს ნატო 75 წლის იუბილეს აღნიშნავს, რომლის ფარგლებშიც ნატოს სამეკავშირეო ოფისის წარმომადგენლები – პოლიტიკური ოფიცერი გვანცა ლოლაძე და ადმინისტრაციის ხელმძღვანელი ნინო მოდებაძე წალენჯიხის მუნიციპალიტეტს სტუმრობდნენ.
“საქართველო უნდა დაუბრუნდეს დემოკრატიული რეფორმებისა და კონსოლიდაციის გზას. ქართველმა ხალხმა არაერთხელ აჩვენა, რომ სურს დემოკრატიული საქართველო, ევროკავშირსა და ნატოში,“ – განაცხადეს შეხვედრაზე წალენჯიხის მუნიციპალიტეტის ხელმძღვანელებმა.
„ერთადერთი ოპოზიციური თვითმმართველობა გახლავთ წალენჯიხის მერია და საუბარი ყველა იმ სირთულეზე გვქონდა, რომელიც ივანიშილის მმართველობის პერიოდში წალენჯიხას ექმნება,“ – განაცხადა შეხვედრის შემდეგ წალენჯიხის მერმა გია ხარჩილავამ.
მისივე თქმით, ივანიშვილის რეჟიმის ზეწოლაში გულისხმობს მერიის თანამშრომლების ჯანმრთელობის საფრთხის შემცველ მუქარას.
„ივანიშვილის რეჟიმი ცდილობს, თავისი ოცნება აისრულოს და წალენჯიხის მერია ჩამოშალოს, მაგრამ ეს ოცნება არ შესრულდება, რადგან მოსახლეობა და წალენჯიხის მუნიციპალიტეტის მერია თავის არჩევანში ძალიან პრინციპულია,“ – განაცხადა ხარჩილავამ.
შეხვედრის დასრულების შემდეგ, ნატო-ს სამეკავშირეო ოფისის წარმომადგენლები, მუნიციპალიტეტის ხელმძღვანელ პირებთან ერთად, წალენჯიხის ამერიკულ თაროს ესტუმრნენ და ხელმძღვანელ სალომე ზარქუასა და ამერიკული თაროს მოსწავლე-ახალგაზრდებს სიმბოლური საჩუქრები გადასცეს.
(R)
კომენტარები