,,ფარის” დამფუძნებელი, სამხედრო ექსპერტი, გიორგი თავდგირიძე:
,,რას ემართლებიან ქოცები ზელენსკის არ ვიცი ( ეს დაახლოებით იმას წააგავს, ლაჩარს რომ მებრძოლი ეზიზღება, საკუთარი სილაჩრის მხილების გამო ), მაგრამ ტრამპს არ შეეძლო გაეყიდა და პუტინს ეყიდა უკრაინა, იმიტომ რომ არც ერთს არ შეუძლია უკრაინელი ხალხის სახელით ლაპარაკი, უკრაინა კი უკრანელი ხალხისაა.
რაც შეეხება მოლაპარაკებას, პუტინს აუცილებლად ჭირდებოდა დაერწმუნებინა ტრამპი, რომ ამერიკას არ დაეწყო რუსეთის ეკონომიკური ბლოკადა, ნამდვილი და ყოვლისმომცველი, რომლითაც იმუქრებოდა ტრამპი. პუტინმა თავის საწადელს მიაღწია, ტრამპმა ახალ სანქციებზე ( ეკონომიკურ ბლოკადაზე ) საუბარი შეწყვიტა. შესაბამისად, ტრამპსაც უნდა მიეღო რაიმე სანაცვლოდ, მხოლოდ პუტინის სიდიადე და ქარიზმა საკმარისი არ იქნებოდა. ვიცით, რომ პუტინი ვერც მშვიდობაზე წავიდოდა და ვერც ცეცხლის დროებით შეწყვეტაზე. შესაბამისად, დადასტურებულად შეიძლება ვამტკიცოთ, რომ პუტინმა სამხრეთ კავკასია დათმო. ორ ბოროტებას შორის, მისთვის ამ ეტაპზე ნაკლები ბოროტება აირჩია. დასტურად, რუსეთის ოფიციალური განცხადებაა, რომ მიესალმება ტრამპის ინიციატივას სამხრეთ კავკასიაში სამშვიდობო პროცესის და ზანგეზურის დერეფნის უსაფრთხოების უზრუნველყოფაში გარანტორად გამოსვლის შესახებ.
ამიტომ, ქოცებო, თქვენ ენაზე რომ ვთარგმნოთ, პუტინსა და ტრამპს შორის მოლაპარაკება შედგა, სამხრეთ კავკასია რუსეთმა დათმო, ტრამპს დაუთმო, გაყიდა თავისი ივანიშვილი-ოცნებიანად, ეკონომიკურ ბლოკადის გადავადებაში გაცვალა. წადით ახლა და კითხეთ დიდ ბიძინას, რატომ დარბის საქართველოს პრეზიდენტი თურქეთში და რის გამოვაჭრებას ცდილობს ახალ ერთმორწმუნესთან?
პ.ს. შეგიძლიათ ზელენსკიზე აღარ იყოთ დაბოღმილი, ვისაც ზელენსკი ერჩის და ებრძვის ის აღარ არის თქვენი პატრონი. ისე დიდი უბედურება გჭირთ ქოცებს, სამშობლო გაყიდეთ პატრონის გამო და პატრონმა გაგყიდათ სამშობლოს გარეშე, აღარც სამშობლო დაგრჩათ და აღარც პატრონი.“
კომენტარები