“ტრანსპორტის ჩაკეტვას ძალიან უშველია, 6200-ზე მეტი შემთხვევა გვაქვს, რეგვენო ხელისუფლებავ” – არჩილ გამზარდია

ჟურნალისტი, არჩილ გამზარდია:

“ტრანსპორტის ჩაკეტვას ძალიან უშველია, შემცირებულა კოვიდის მაჩვენებელი, არა?

6200-ზე მეტი შემთხვევა გვაქვს, რეგვენო ხელისუფლებავ. ტრანსპორტი გახსენით და რეალური ღონისძიებები გაატარეთ ამ იმიტაციების ნაცვლად.

სანედიცინო პერსონალი არანაირ ტრენირებას არ გადის თვეებია, შტამი რთულდება და მედიკოსები ვერ ეწევიან პროცესს, მკურნალობის პროტოკოლი არ იცვლება, ჯანდაცვის მართვა ისეა, როგორც ვირუსის შემოსვლისას.

ერთადერთი ხსნა აცრაა, მისი ეფექტიც ჯამში თვენახევრიდან იწყება (ორი აცრა + 2 კვირა).

თვითმკვლელი ტერორიზმია დღეს აუცრელობა, საკუთარ თავსაც ღუპავს და სხვასაც.

აიცერით სანამ დროა და სანამ ვაქცინებია, აქტიური მიმართვიანობის შემთხვევაში არც ვაქცინებია საკმარისი. მოასწარით, სანამ დროა.”