დონალდ ტრამპს 2022 წელს წარმომადგენელთა პალატის სავარძლისთვის ბრძოლის იდეა საინტერესოდ მიაჩნია.
Newsweek-ის ცნობით, ერთ-ერთ რადიოგადაცემაში სტუმრობისას, გადაცემის წამყვანმა აშშ-ის ყოფილ პრეზიდენტს ჰკითხა, ხომ არ აპირებს ის ბრძოლას კონგრესის ქვედა პალატის სავარძლისთვის.
“შეგიძლიათ, წარმომადგენელთა პალატის სპიკერი გახდეთ, წამოიწყოთ ჯო ბაიდენის პროცედურის იმპიჩმენტი და მის მიმართ სისხლის სამართლის საქმე აღძრათ”, – მიმართა რადიოწამყვანმა ტრამპს, დონალდმა პასუხი არ დააყოვნა და უთხრა, რომ ეს “ძალიან საინტერესო იდეაა”.
“ჩემი მხარდამჭერების ნაწილს სურს, რომ სენატში მიხილონ, თუმცა შესაძლოა თქვენი იდეა უკეთესიც აღმოჩნდეს”, – განაცხადა დონალდ ტრამპმა.
“გააკეთე ეს, სახალხო გმირი გახდები!” – მოუწოდა წამყვანმა აშშ-ის ყოფილ ლიდერს.
კომენტარები