დონალდ ტრამპმა დავოსის ეკონომიკურ ფორუმზე „მშვიდობის საბჭოს“ შექმნას ხელი მოაწერა.
აშშ-ის პრეზიდენტმა დონალდ ტრამპმა ათობით მსოფლიო ლიდერს შესთავაზა, შეუერთდეს მის ინიციატივას „მშვიდობის საბჭო“ (Board of Peace), რომელიც, როგორც ტრამპი ამბობს, მიზნად ისახავს გლობალური კონფლიქტების მოგვარებას.
დონალდ ტრამპმა „მშვიდობის საბჭოში“ მიიწვია სომხეთი და აზერბაიჯანიც, თუმცა, არ მიუწვევია საქართველო.
ტრამპმა „მშვიდობის საბჭოს“ შექმნის იდეა პირველად გასულ სექტემბერში წამოაყენა, როდესაც ღაზაში ომის დასრულების გეგმა გამოაქვეყნა. მოგვიანებით მან განმარტა, რომ საბჭოს უფლებამოსილება გასცდებოდა ღაზას და სხვა გლობალურ კონფლიქტებსაც მოიცავდა.
Reuters-მა მოიპოვა წესდების პროექტი, რომლის თანახმადაც, აშშ-ის პრეზიდენტი იქნება საბჭოს პირველი თავმჯდომარე და მის მოვალეობაში შევა მსოფლიოში მშვიდობის ხელშეწყობა და კონფლიქტების მოგვარებაზე მუშაობა.
კომენტარები