“ტრამპის და მასკის ქცევა უკრაინის მიმართ ბევრად დიდ ტანჯვას მაყენებს, ვიდრე პოლიტიკური პარტიების გაუქმება საქართველოში”– ნათია ფანჯიკიძე

ფსიქოლოგი, ნათია ფანჯიკიძე:

პარტიების გაუქმება რომ დემოკრატიის უფსკრულში ვარდნას აჩქარებს, ამას თქმაც არ უნდა, იმდენად საზეპიროა, რეფლექსიასაც აღარ იწვევს არავისში.

პარტიების აკრძალვა დაამთხვიეს რუდუნებით მიღწეულ იმ მომენტს, სამი ადამიანი რომ ხმას აღარ სცემს ერთმანეთს ქვეყანაში, რაც, ვერაფერს იტყვი, საიუველირო ნამუშევარია.

ახლა ოპოზიციის შეცდომებზე ლაპარაკი პასუხისმგებლობის გადანაწილებას დაემსგავსება, არადა ამჯერად არაპროპორციული სიტუაციაა და ვერ დატოლდება.

მეორე მხრივ, ოპოზიციაზე ლაპარაკი რომ მუდმივად “არასწორია” (ლაპარაკს ვგულისხმობ და არა ლანძღვას. ლანძღვა არ დაჰკლებიათ, რათქმაუნდა), ეს გამორიცხავს ოპოზიცისთან ლაპარაკსაც, რაც ამ დღის დადგომის ერთერთი მიზეზია.